|
|
2011年同老公系月老既牵线下拍拖三个月奉子注册，再三个月后摆酒正式成为卢太，时间飞逝现已两年有半了！
婚后无几耐我就辞职无做了，咁就成为个名正言顺既师奶仔了。每日早睡早起作息好规律，因为我怕BB出世后会好难凑，所以就空前咁严格要求自己！每日起身后食过老爷买俾自己既早餐后，洗完衫搞完卫生后九点左右我就准时出门散步，到十点半左右就顺路去市场买送煮饭。午饭过后睇阵电视或上阵网就训午觉，而晚饭就老爷包办。饭后我都会同奶奶去散步，我地边散步边闲聊，因为婚前我地接触唔算太多，所以每次散步既话题都特别多，真系乜都倾得一烂餐！
就系咁既生活我坚持左七个月，2012年一个好特别既日子，我粒心肝腚出世了！我坐月期间都系老爷负责炖野俾我食，记得当时第一次饮老爷炖既酒炖鸡，可能酒放多了又或者系炖既时间唔够长，酒味依然好浓，饮完两碗后我头晕晕，浮浮步咁行入房死死咁训着左了！记得当时天气仲好冻，BB又细我自己都唔够胆同佢冲凉，因为奶奶心宽体胖所以次次都系我同老爷合作帮BB冲凉。（到个女两岁了依然系老爷同佢冲凉多，所以佢自细同爷爷关系特别好！）记得当时两边亲戚都好多，所以好多姜要煲。每日下午老爷奶奶同老公三个人都围埋一齐刮姜，姜完后既后续程序全都由老爷包办！仲特别吩咐我一滴生水都唔好掂，甚至出月后替换衣物都唔俾我洗话有乜就叫佢地动手就得了，我只须养好身子就够了！就咁出月后第11日系我既强烈坚持下，我至开始洗番自己既替换衣物！个阵个心真系有种讲唔出既感激，个阵虽然无请抱月，但幸好有老爷奶奶一手包办，幸好佢地无嫌弃我生既系女，幸好我地一家相处都好融洽，真系万个幸好！！
话虽如此，但因为婚前相处时间唔多，所以我同老公岩结婚阵矛盾都日渐增多！虽则系咁，但我地从来唔系老爷奶奶面前哎交，有乜事都系关埋房门至哎。老公比自己细三个月，思想亦唔够成熟，系个牛精既人！记得当时一有争吵我就同佢顶到好杏，吵完后又默默咁唔开心，仲试过好多次半夜自己一个人静静鸡咁喊！点知有次俾老公发现，佢系身后揽住我同我讲：“我虽然系牛精D，但我都知你唔嫌我穷，唔嫌我一无所有咁嫁俾我，嫁到过黎一个朋友都无，依D我系知噶！以后我发烂咋阵你咪理我，咪同我顶嘴，过后我就知自己错我会自动自觉咁氹番你噶啦！我系牛精D，但我都知老婆得个，见住你咁系我唔岩，你咪喊啦！”自此后每次老公大发脾气阵我都当佢唱歌，自己一句都唔放入心里面，过后佢都会氹番我，所以我地哪怕几嬲都好，每次都好快就会无事！老公系自己拣既，我知佢为人，最紧要既系佢唔烟唔酒唔出去蒲，暂时尚算系个好仔吧！上次BBS度有个测试系关于老公怕唔怕自己老婆，我见到后第一时间问佢，你怕唔怕我吖？点知佢谂都无谂就话怕咯！我话系怕定尊重吖？佢好斩钉截铁咁话怕！！噢~~此时的我内心暗喜！
老公同奶奶拍住档做小本买卖既，每次佢地一得闲阵就会车天车地。好多时奶奶都同老公讲，话我妈一个寡母婆养大个女嫁俾你唔容易（自细家父早逝，全靠娘亲含辛茹苦咁凑大我同细佬），凡事你都要让下个老婆，千万唔可以旭手打佢，仲有每次个老婆叫你做野阵你都应成住，免得叫来叫去都无反应个老婆咪扯火咯！你应成住先又唔一定要做既，最紧要等个老婆咪嬲先系上策嘛！当然依个系老公事后话番俾我听既，听后我都觉得奶奶太有才了，咁都谂得出，唔怪知得每次叫老公做野都点晒头拍晒心口咁，只系无件做得成而已！！
唔知系咪因为自幼丧父既缘故，我同老爷特别既投缘！记得第一次见家长，我地系响佢屋企附近既餐馆度食饭。老爷俾我既第一感觉系件白衬衫好白同埋好后生！用餐过程中我一D都唔紧张，反而表现得好大方同健谈，俾左个好印象俾老爷奶奶。而系日后既相处中，我同老爷更系无所不谈，老爷对我既好甚至连老公都妒忌！可能真系太耐无享受过父爱了，系依个家入面再度俾我感受到，真系好有种失而复得既感觉！虽然同奶奶既感情唔及老爷，但奶奶系我心入面亦有着举足轻重既地位！记得系我驼住个女阵既其中一次产检话我有轻微既贫血，紧张到奶奶半夜训唔着，叫醒老爷一齐商量煮乜俾我补身子；平时同老公闹矛盾俾奶奶发现既话，奶奶都只会闹老公，叫佢要多包容我多谅解我；有次奶奶系老公口中得知我中意食牛筋牛肉丸，奶奶即刻去市场买左四斤放系急冻话等我想食阵煮黎食.....系度我就唔一一列举了，只系一切尽在不言中！
记得结婚后我第一次打电话番去俾阿妈，话俾阿妈知老爷同奶奶都对我好好，唔知阿妈系咪听唔清定系想确定就好紧张咁问多次：“你话好定唔好吖？”我话好阵阿妈至松左口气，可能阿妈系怕我同老爷奶奶相处唔黎，又或者系怕我融入唔到佢地屋企吧！而时至今日连阿妈都概叹我俾老爷奶奶宠坏了，比未嫁时要懒得多叹得多！
虽然我同老公婚前相恋既时间唔长，但我仍然好庆幸我可以稳到个宠我惯我既终生伴侣；因为老公从而有缘同老爷奶奶同住一屋檐下，婚后既依两年半时间，比我更多既感觉系我从做妈既女转身变为做老爷奶奶既女。奉子闪婚既我无疑系幸运既个例，但同时我亦奉劝各位唔好盲目闪婚，婚前双方要彼此了解！闪婚都会有春天，系度俾D正能量俾大家！！
|
|
窥视卡
雷达卡
发表于 2014-2-18 10:02:38
提升卡
置顶卡
沉默卡
喧嚣卡
变色卡
抢沙发
千斤顶
显身卡