呢段感情我系继续呢，还是选择分手呢？

阿四

　　我今年都26岁了，都到左谈婚论嫁的时候。宜家比我细一岁半的女友，我地拍拖刚好一年。
　　其实刚识距的时候，系无果种好心动的感觉，只系两个人发展的太快了，一唔小心就XXOO了，所以关系就确定左。霖住感情可以培养的，日久生情嘛。但系随着时间的了解，感情无增加到反而顾虑越来越多。
　　女友的家庭环境比较复杂，拍拖三四个月先知道，距老豆同阿妈系距四岁的时候离婚，距被判左比老豆，不过距阿妈都经常去睇距关心距。
　　可能系因为距自细就系单亲家庭生活环境长大的，女友的自尊心好强，性格又好要强，惊人地睇唔起自己，所以距要比周围的亲戚朋友都睇到距过得好，甘就有好多时候就摆我上台。
　　我条件一般，屋企做生意的，老豆同阿妈都大手大脚惯了，积蓄又唔系好多甘，而我自己每个月的工资都唔系几高，刚好够用，将来都系计划自己创业的。
　　讲到结婚，她提出的条件系，酒店最差都要系保利洲际搞，钻戒要一卡的，礼金最少要八万。今年我屋企一次性比钱买房，套房系比我结婚用的，出年收楼仲要装修，间屋都要百几方，装修费都唔少，所以经济压力比较大。因为距老豆条件唔好，如果以后真系结婚，估计所有的钱都系我地出。女友的性格属于强势型女人，距会觉得赚钱比较重要，距曾经讲过，话以后生完BB之后就出去赚钱唔凑，因为甘样我地曾经争执过，后来距妥协了。
　　经常去距屋企发现距间房从来唔自己搞清洁，次次都系距阿妈来帮手搞，换床单，洗衫，折衫执衣柜，我成日话距，唔好麻烦距阿妈，再讲，距阿妈又唔系统距住一起(距爸妈离婚，距跟老豆住)，成日过来太麻烦，甘你以后结婚都要学着打理屋企，距话以后赚钱请钟点工就得了。其实一直以来，我都中意果种温柔顾家的女仔，同宜家的女友系一齐只能互相磨合。讲到结婚，就唔可以唔讲家庭，因为婚姻系两个家庭的融合。
　　女友的爸妈离婚后，然后又各自结婚组织家庭。距阿妈嫁比一个大八岁的男人，环境唔系咁好，对方都系离过婚的，有个仔，距妈同果个男人结婚十几年了，个男人将自己的旧屋同个仔的婚房都系写距个仔个名。我反问距，你的嫁妆呢?距直接就话距嫁妆就系距阿妈。距老豆都系同一个离过婚的女人结婚的，个女人之前同个前夫有个仔，后来系我女人18岁的时候，个女人又同距阿爸生左个仔，所以我女友宜家仲要有一个同父异母的细佬，都未够7岁，呢个系我同女友拍拖半年先知道的。霖到呢D我就觉得压力好大，毕竟目前我宜家未搵到好多钱，我屋企人知道甘的情况都无讲咩，只系话我自己中意就好，不过压力肯定就大左好多。我都唔知点算好了?

天天天天晴

楼主，这不是结婚首选噶女人
如果真系女强人还好，如果不是，结婚了问题多多

喜宝

如果自己有能力，要强说得过去，如果自己没能力，要对方很强，很难，除非条女很索

蜡笔王国

单亲家庭问题多

不过 做男人  系要负责任既  如果佢系处

悭D啦

楼主的意思系讲自己条件还可以。条女甘既条件，我娶5娶好呢？楼下比意见楼主啦。

一蚊鸡

我觉得不是自尊心强，距系好认叻那种人，当然，你够能力支撑到距就没问题

胆小鬼

我觉得不是自尊心强，距系好认叻那种人，当然，你够能力支撑到距就没问题

钟无艳

讲到结婚，她提出的条件系，酒店最差都要系保利洲际搞，钻戒要一卡的，礼金最少要八万。
我要金城，钻戒要50份，礼金要4万。娶我吧。虽然我离异，但我未有小朋友，以后我会专心凑小朋友，不工作。比你女友好多了。。。。。

佢嘅要求吓死我了。。。。

如烟

我想说，楼主，我要求不高的。。。

孖润肠

食过就好喇，咁嘅性格谂住食过世？